Ish sekretari i Shoqatës “Jehona e Malësisë”, Dedë Dushaj ka reaguar lidhur me rastin e Dodë Ivanajt, duke e cilësuar veprimin e organeve malazeze si një padrejtësi që ka prodhuar efektin e kundërt nga ai që synohej.
“Kur ngutesh me padrejtësi, vonohesh me turp”, ka theksuar Dushaj, duke shtuar se përpjekjet për të ushtruar presion ndaj shqiptarëve nuk mund të cenojnë vendosmërinë e tyre për të mbrojtur të drejtat dhe dinjitetin kombëtar.
Sipas tij, shqiptarët sot janë më të bashkuar dhe më të vetëdijshëm se kurrë për të drejtat e tyre. Ai ka nënvizuar se këto të drejta nuk janë dhuratë e askujt, por të drejta legjitime që duhet të respektohen.
Në reagimin e tij, Dedë Dushaj ka bërë thirrje për unitet, duke theksuar se koha e përçarjeve duhet t’i përkasë së kaluarës dhe se çdo cenim i një shqiptari duhet të gjejë reagimin dhe solidaritetin e të gjithë shqiptarëve.
“Kur preket njëri prej nesh, reagojmë të gjithë”, është mesazhi që ai ka përcjellë në fund të deklaratës së tij.
Ja postimi plotë:
Kur ngutesh me padrejtësi, vonohesh me turp.
Kështu u ngutën edhe organet malazeze me vëllaun tonë, Dodë Ivanaj. Deshën me dërgu mesazh presioni, por mesazhi u kthye kundër tyre.
Shqiptarët sot janë më të bashkuar, më të vendosur dhe më të qartë se kurrë. Të drejtat tona nuk na i fal askush dhe nuk na i merr askush.
Koha e përçarjes ka marrë fund. Kur preket njëri prej nesh, reagojmë të gjithë.
E hëngrën, e ju bëftë mirë.
