Filantropi dhe veprimtari i çështjes kombëtare, Ramiz Tafilaj, me veprim nga Teksasi në Shtetet e Bashkuara të Amerikës, ka shprehur mbështetje të hapur për Aleancën për Ardhmërinë e Kosovës (AAK), duke e vlerësuar këtë subjekt politik si një nga forcat që ka kaluar nëpër sfida të mëdha dhe ka dhënë kontribut të rëndësishëm në zhvillimet institucionale të Kosovës.
Në një analizë të tij mbi skenën politike kosovare, Tafilaj thekson se AAK-ja, e udhëhequr prej më shumë se dy dekadash nga gjenerali Ramush Haradinaj, mbetet një faktor i rëndësishëm politik në vend, i cili sot ndodhet në një fazë të rëndësishme të ripërtëritjes dhe forcimit të strukturave të saj.
