Në kuadër të aktiviteteve për shënimin e 24-vjetorit të themelimit të Bashkimit Demokratik për Integrim, më 5 qershor në Parkun e Qytetit në Shkup do të organizohet një ngjarje dedikuar të rinjve.
Organizatorët kanë ftuar të rinjtë që t’i bashkohen këtij aktiviteti, i cili do të zhvillohet në një atmosferë festive me muzikë, energji pozitive dhe aktivitete rinore.
Ngjarja do të mbahet duke filluar nga ora 17:00, te lokacioni i njohur si Guaca në Parkun e Qytetit në Shkup.
Sipas organizatorëve, aktiviteti synon të sjellë bashkë të rinjtë, të promovojë frymën e unitetit dhe të shënojë rrugëtimin 24-vjeçar të subjektit politik, duke vënë theksin te roli i rinisë në proceset shoqërore dhe politike.
“Vetëm kur jemi bashkë, jemi më të fortë”, është mesazhi që shoqëron këtë aktivitet, përmes të cilit synohet të përcillet fryma e bashkimit dhe angazhimit të të rinjve.
Ja postimi plotë:
📣 Të rinj, ju presim! 🔥
24 vite rrugëtim, energji dhe unitet 🎉
Ejani të bëhemi bashkë për një atmosferë plot muzikë, pozitivitet dhe energji rinore. 🎶✨
📍 Parku i Qytetit, Shkup (tek Guaca)
🕔 17:00
📅 5 Qershor 2026
Vetëm kur jemi bashkë, jemi më të fortë!
