Profesori Festim Halili iu përgjigj ftesës së Western Balkans University në Tiranë, ku mbajti një ligjëratë me fokus në Inteligjencën Artificiale Gjenerative, duke ndarë me studentët dhe pjesëmarrësit njohuri, përvoja dhe perspektiva mbi zhvillimet e fundit në këtë fushë me rëndësi të veçantë për të ardhmen e teknologjisë dhe shoqërisë.
Ligjërata u karakterizua nga pjesëmarrja aktive e studentëve nga vende të ndryshme, të cilët përmes pyetjeve, diskutimeve dhe shkëmbimit interaktiv të ideve kontribuuan në një debat të frytshëm akademik.
Në kuadër të këtij aktiviteti, edhe kolegu Doc. Dr. Avni Rustemi prezantoi njohuritë dhe perspektivat e tij mbi teknologjitë Blockchain, duke plotësuar diskutimin me një dimension tjetër të rëndësishëm të transformimit digjital.
Kjo vizitë përfaqëson një mundësi të vlefshme për shkëmbimin e përvojave akademike, promovimin e inovacionit dhe forcimin e bashkëpunimit ndërinstitucional, duke dëshmuar rëndësinë e lidhjes së arsimit të lartë me zhvillimet bashkëkohore teknologjike.
Profesori Festim Halili shprehu mirënjohjen për Western Balkans University për ftesën, mikpritjen dhe përkushtimin ndaj dijes, inovacionit dhe bashkëpunimit akademik.
Ja postimi plotë:
Me kënaqësi iu përgjigjëm ftesës së Western Balkans University në Tiranë, ku patëm mundësinë të ndajmë njohuri dhe perspektiva mbi Inteligjencën Artificiale Gjenerative.
Veçanërisht inspiruese ishte pjesëmarrja aktive e studentëve nga vende të ndryshme, të cilët përmes pyetjeve, tezave dhe diskutimeve interaktive i dhanë vlerë të shtuar ligjëratës.
Me këtë rast, edhe kolegu Doc. Dr. Avni Rustemi ndau njohuritë e tij mbi teknologjitë Blockchain.
Mirënjohje për mikpritjen dhe përkushtimin ndaj dijes, inovacionit dhe bashkëpunimit akademik!
@highlight Universiteti i Tetovës – UT #ArtificialIntelligence #visitingprofessor
