Kryetari i Komunës së Bërvenicës, Arkin Jahiji, sot mirëpriti në ambientet e Komunës nxënësit e Shkollës Fillore „7 Marsi“, të cilët realizuan një vizitë me karakter edukativo-arsimor.
Gjatë këtij takimi, nxënësit patën mundësinë të njihen më nga afër me funksionimin e institucionit komunal, përgjegjësitë dhe detyrat e tij, si dhe rolin që ka Komuna në shërbim të qytetarëve dhe në zhvillimin e jetës së përditshme.
Kryetari Jahiji bashkëbisedoi me nxënësit, duke theksuar rëndësinë e edukimit, dijes dhe përfshirjes së të rinjve në jetën publike.
Ai vlerësoi interesimin e nxënësve për institucionet publike, duke theksuar se fëmijët janë e ardhmja e shoqërisë dhe se investimi në edukimin dhe arsimimin e tyre është investimi më i rëndësishëm për një të ardhme më të mirë.
Në fund, kryetari Jahiji falënderoi nxënësit dhe mësimdhënësit për vizitën, duke u dëshiruar suksese të vazhdueshme në rrugëtimin e tyre arsimor.
