Nënkryetari i Parlamentit të Malit të Zi, Nikollë Camaj, ka uruar mikun dhe bashkëvendësin e tij, Sherif Krniq, për rizgjedhjen në pozitën e kryetarit të Shoqatës “Malësia në Kaliforni”.
Në urimin e tij, z. Camaj ka shprehur edhe mirënjohjen ndaj Shoqatës për kontributin e vazhdueshëm që ajo ka dhënë ndër vite për komunitetin e Malësisë në diasporë dhe për vendlindjen.
“Dua të përgëzoj mikun tim, vëllanë tonë, Sherif Krniq, për rizgjedhjen në krye të Shoqatës ‘Malësia në Kaliforni’. Njëkohësisht, falënderoj këtë Shoqatë për kontributin e çmuar që ka dhënë që nga formimi i saj. Veçanërisht do të përmend ndihmën e parë për Komunalën – kamionin e parë që na dërguan në kohën kur unë isha drejtor. Ju prift e mbara në punën tuaj fisnike!”, – është shprehur Camaj.
Shoqata “Malësia në Kaliforni” vazhdon të jetë një ndër organizatat më aktive të diasporës shqiptare në Shtetet e Bashkuara, duke ruajtur lidhjet me vendlindjen dhe ndihmuar në projekte të ndryshme në Malësi.
