Sot, 03.08.2025, me një ceremoni të veçantë dhe pjesëmarrje të madhe të besimtarëve dhe mysafirëve të ndryshëm u bë hapja solemne e xhamisë së re “Haxhi Lutfi Limani” në fshatin Tatesh i Poshtëm-Strugë.
Kisha nderin të jem pjesëmarrës në këtë event të këndshëm, të ftuar nga Myftiu i Strugës h. Adi ef. Murtishi dhe nën udhëheqjen e kryetarit të BFI-së Reisululema h. hfz. Shaqir ef. Fetai.
Në ceremoninë e hapjes morën pjesë figura të rëndësishme të Bashkësisë Fetare Islame, autoritete lokale, si dhe mysafirë nga rajone të tjera. Me këtë rast, u mbajtën fjalime rasti ku u theksua rëndësia e xhamisë si vend i lutjes, bashkimit dhe edukimit shpirtëror.
Xhamia “Haxhi Lutfi Limani” është e ndërtuar nga djemtë e h. Lutfiut në krye me z. Mirdi Limani, kampion i boksit në nivele botërore.
Lusim Allahun e Madhërishëm që t’i shpërblej të gjitha ata që kontribuan që kjo xhami e bukur të përfundojë me sukses.
