Grupi “Sërish vjen Marsi”, në Michigan edhe pse nuk mbështet një parti politike apo një person të caktuar, fton shqiptarët ta votojnë “Forumin Shqiptar”.
Grupi fton shqiptarët e Malësisë të votojnë ata që mbrojnë interesin e malësorëve.
“Malësia është e jona, nuk duhet dhe nuk do të lëjojmë që të qeveriset nga dikush tjetër përveç atyre që punojnë në interes të Malësisë dhe qytetarëve të saj”, shkruan në ftesën e Grupit “Sërish vjen Marsi”.
Ftesa e plotë:
Grupi, “Sërish vjen Marsi”, nuk mbështet një parti politike apo një person të caktuar, e sidomos kur ajo ka drejtim të gabuar politik që nuk përputhet me interesin e qytetarëve dhe interesin demografik, kulturor dhe historik të vëndit. Por, mbështet bashkimin e partive Shqiptare, gjegjësisht “Forumin Shqiptar”.
Bëjmë thirrje që çdo qytetar Malësor që ka mundësi të shkoj mos të ngurohet por ta shprehi forcën nëpërmes votës së vetë të lirë.
Me 5 Mars është fuqia juaj demokratike për të hedhur votën e lirë dhe me integritet ndaj bashkimit të partive Shqiptare për dhe që mbështesin interesat ekonomike, kulturore, arsimore, administrative, historike të qytetarëve Malësor.
Kjo është mënyra më e mirë dhe më adekvate për të treguar kujdesin e familjeve tona dhe të ardhmën e tyre.
Malësia është e jona, nuk duhet dhe nuk do të lëjojmë që të qeveriset nga dikush tjetër përveç atyre që punojnë në interes të Malësisë dhe qytetarëve të saj!
Rrnoft Shqipria dhe kombi Shqiptar!
