Deputetja e Bashkimit Demokratik për Integrim (BDI), Dijana Toska, ka reaguar publikisht duke demantuar një shkrim të publikuar në një portal, në të cilin thuhet se ajo gjoja ka reaguar lidhur me vendimet e Kongresit të sotëm të BDI-së.
Në reagimin e saj, Toska thekson se lajmi në fjalë është i pasaktë dhe se ajo nuk është personi që ka bërë një deklaratë të tillë.
“U sugjeroj portaleve, para se të publikojnë lajme ‘ekskluzive’ dhe të pasakta, fillimisht të verifikojnë burimin dhe vetëm më pas ta publikojnë lajmin. Unë nuk jam personi që e ka bërë atë shkrim, ndaj kërkoj kujdes”, ka theksuar Toska.
Ajo u bën thirrje mediave që të respektojnë standardet profesionale të gazetarisë dhe të shmangin publikimin e informacioneve të paverifikuara.
