Sot, në përvjetorin e rënies heroike të komandantit Mujë Krasniqi – Kapuçi, kryetari i Bashkimit Demokratik për Integrim, Ali Ahmeti, ka kujtuar me nderim dhe krenari njërin nga bijtë më të devotshëm të lirisë dhe të çështjes kombëtare.
Ahmeti theksoi se Mujë Krasniqi ishte simbol i guximit, përkushtimit dhe sakrificës sublime për atdheun dhe dinjitetin kombëtar, duke lënë gjurmë të pashlyeshme në historinë e rezistencës shqiptare.
“Rënia e tij heroike, 27 vjet më parë, së bashku me 41 bashkëluftëtarë, nuk ishte fund, por themel i lirisë sonë. Emri dhe vepra e Mujë Krasniqit do të jetojnë përjetësisht në kujtesën kombëtare, si udhërrëfyes për brezat që vijnë”, u shpreh Ahmeti.
Në fund, ai përcolli nderim të përjetshëm për jetën dhe veprën e komandantit Mujë Krasniqi dhe për të gjithë dëshmorët e kombit.
Lavdi Mujë Krasniqit – Kapuçi!
Lavdi dëshmorëve të kombit!
Ja postimi i plotë:
Sot, në përvjetorin e rënies së komandantit Mujë Krasniqi – Kapuçi, kujtojmë me nderim e krenari njërin nga bijtë më të devotshëm të lirisë. Muja ishte simbol i guximit, përkushtimit dhe sakrificës sublime për atdheun dhe dinjitetin kombëtar.
Rënia e tij heroike, 27 vjet më parë, së bashku me 41 bashkëluftëtarë, nuk ishte fund, por themel i lirisë sonë. Emri dhe vepra e Mujë Krasniqit do të jetojnë përjetësisht në kujtesën kombëtare, si udhërrëfyes për brezat që vijnë.
Lavdi jetës dhe veprës së Mujë Krasniqit!
Lavdi dëshmorëve të kombit!
