Myftiu i Tetovës Dr. Hfz. Selver Xhemaili mori pjesë në konferencën ndërkombëtare bashkë me delgeacionin e BFİ-së të udhëhequr nga Reisul Ulema h. Hfz. Shaqir ef. Fetai dhe drejtorin për marrëdhënie me Lindjen e Mesme H. Ismet ef. Ademi. Konferenca ndërkombëtare në Kairo të Egjyptit nën titullin “Roli i gruas në ngritjen e vetëdijes” e organizuar nga Ministri i Vakufit dhe Kryetari i asamblesë më të lartë për çështje fetare të Egjyptit ekselenca e tij Prof Dr. Usameh El Ez’herij, zhvilloi punimet më 25-26.08.2024 me pjesëmarrje të 60 vendeve nga e gjithë bota, ku në seancën e parë kishte praraqitje edhe Reisul Ulema i BFI-së me temën: “Gruaja-Shtyllë e formimit të familjes dhe shoqërisë së shëndoshë”.
Në planprogramin e kësaj konference ishin të parapara edhe vizita me rëndësi historike dhe arkitektonike të qytetërimit Islam në Kajro.
Në veçanti takimi me Myftiun e Egjiptit Prof. Dr. Nedhir Ajad.
