Sipas komunës së Tetovës, tenderimi për sanimin e gropave ka përfunduar dhe tashmë ndërmarrja që është kontraktuar ka filluar me mbushjen e gropave në shumë pjesë të Tetovë. Për këtë qëllim janë ndarë 2 milion denarë
Urim HASIPI
Tetovë, 3 prill – Një pjesë infrastrukturës rrugore në qytetin e Tetovës vazhdon të dëmtohet çdo vit. Përfundimi i periudhës me ngrica nxjerr në pah gropat në rrugë në shumë të qytetit të Tetovës dhe kjo përsëritet gati se çdo vit. Tashmë kanë filluar të dëmtohen rrugët që janë edhe në pjesën qendrore të Tetovës. E tillë është rruga “Boris Kidriç”, e cila është asfaltuar diku në vitin 2010. Nuk është vetëm kjo rrugë e cila ka filluar të dëmtohet por janë edhe shumë rrugë tjera të cilët nga viti në vit po shkatërrohen. Kësisoj, shumica e këtyre rrugëve lidhen me rrugët kryesore ndërsa pamja e këtilla është dekada me radhë në këto zona të qytetit të Tetovës. Me këtë rast, komuna e Tetovës ka bërë të ditur se në plan për këtë vit janë afër 12 rrugë të cilët duhet të rikonstruohen ose të mbushen gropat.
