Zëvendëskryeministri i parë, Artan Grubi përmes një postimi në faqen e tij në rrjetin social Facebook ka paralajmëruar sot aktin e vendosjes së gurëthemelit të Korridorit 8, projektit më të madh në historinë e shtetit, në pikëpagesën Tetovë – Gostivar në ora 12:00, transmeton bild.mk.
Ai e ka cilësuar mbërritjen e këtij momenti si akt që do të mbahet mend si dita kur filluan të bien kufinjtë përmes korridorit të bashkimit që mundëson lidhje me autostradë prej 6 korsishë nga Kumanova e Shkupi, Tetova e Gostivari, Kërçova e Struga, deri në Tiranë, Durrës e Vlorë.
“Në ditën e themelimit të NATO-s, po vëmë gurthemelin e korridorit të bashkimit që mundëson lidhje me autostradë prej 6 korsishë nga Kumanova e Shkupi, Tetova e Gostivari, Kërçova e Struga, deri në Tiranë, Durrës e Vlorë. Guxuam të ëndërrojmë dhe ja ku jemi, në prag të gurthemelit të projektit më të madh në historinë e shtetit. Kjo ditë do të mbahet mend dhe do të kujtohet si dita kur filluan të bijnë kufinjtë dhe nisi bashkimi, rajon pa kufi në një kontinent pa kufi” – ka shkruar Grubi.
