Zëvendëskryeministri i parë, Artan Grubi nga ngjarja për nënshkrimin e Marrëveshjes për ndërtimin e Korridorit 8 dhe 10-D, në fjalimin e tij para të pranishmëve tha se ky investim është më madhori që nga pavarësia e Maqedonisë së Veriut.
Grubi potencoi se projekti Korridori 8 dhe 10-D kthen shtetin në një pikë të fuqishmë gjeostrategjike ndaj si i tillë e bën atë të veçantë.
“Jam i lumtur që qendroj këtu para jush si udhëheqës i Komitetit për zhvilimin e bisedimeve për ndërtimin e projektit Korridori 8 dhe 10-D. Falenderoj kolegët ministra, sidomos Ambasadën e SHBA-ve që qëndron gjithmonë pas projekteve dhe ideve tona, partnerët tanë mbikqyrës dhe gjithë bashkëpunëtorët që marrin pjesë në këtë projekt. Ky projekt është vetëm një fillim i mbarë i një pune të madhe, më e madhja që nga shpallja e pavarsisë së Maqedonisë”, u shpreh Grubi.
