AKTUALE

Lindon Gjelaj: Ujësjellësi Llofkë–Selishtë–Triesh, projekt me vlerë 1.4 milionë euro

Kryetari i Komunës së Tuzit, Lindon Gjelaj, ka bërë të ditur se në buxhetin kapital për vitin 2027 është përfshirë projekti për ndërtimin e ujësjellësit Llofkë–Selishtë–Triesh, me vlerë prej 1.4 milionë eurosh.

Sipas Gjelajt, përfshirja e këtij projekti në buxhet është bërë me propozimin e Komunës së Tuzit dhe Forumit Shqiptar, ndërsa realizimi i tij pritet të përmirësojë ndjeshëm furnizimin me ujë për banorët e kësaj zone.

Projekti parasheh ndërtimin e rrjetit të ujësjellësit nga Selishta deri në Triesh, duke krijuar një infrastrukturë të rëndësishme për zhvillimin e mëtejshëm të këtyre trevave.

Gjelaj thekson se investimi nuk është i rëndësishëm vetëm për përmirësimin e kushteve të jetesës së qytetarëve, por edhe për krijimin e mundësive të reja për zhvillimin e turizmit malor dhe fuqizimin e infrastrukturës në zonat rurale.

“Hap pas hapi, e gjithë Malësia do të jetë e lidhur në rrjetin e ujësjellësit”, është shprehur kryetari i Komunës së Tuzit, Lindon Gjelaj.

Banner

Related posts

Ahmeti: Po të mos ishte UÇK-ja, nuk do të ekzistonte Maqedonia

Gjyla Halili

Mickoski thotë se e ka pranuar letrën e Ahmetit: Ai ankohet për gjykatësit që janë zgjedhur me shumicë të BDI-së dhe LSDM-së

Gjyla Halili

27 vjet nga rënia e Komandant Kumanovës – Ismet Jashari, simboli i luftës për liri

Gjyla Halili