U vëndos sot gurëthemeli i objektit të ri të TV Boin.
Hapja solemne e punimeve u bë nga kryetari i komunës së Tuzit, Lindon Gjelaj, nënkryetari i Kuvendit të Malit të Zi, Nikollë Camaj, ambasadori i Kroacisë në Mal të Zi, Veselko Grubishiq si dhe klerikët fetarë Dom Nosh Gjolaj dhe Xhevahir Arifaj.
Përfaqësuesi i këshillit të diasporës, e cila e financon ndërtimin e objektit, Kolë Ivanaj, anëtari i këshillit dhe një ndër iniciatorët e parë të këtij aktiviteti, Dom Nosh Gjolaj si dhe kryetari i Komunës së Tuzit, Lindon Gjelaj, i përshëndetën të pranishmit.
Në pamundësi të pjesëmarrjes, kryetari i këshillit nga diaspora, Joseph Dedvukaj, në redaksinë e TV Boin kishte dërguar një shkresë e cila u lexua në tërësi.
Pas fjalëve përshëndetëse u vendos gurëthemeli për ndërtimin e objektit të ri nga Kolë Ivanaj, Dom Nosh Gjolaj dhe Lindon Gjelaj.
