Deputeti i Lidhjes Demokratike të Kosovës (LDK), Avdullah Hoti, ka treguar ambiciet e tij për ta udhëhequr partinë.
Ai të mërkurën ka deklaruar se është duke e menduar mundësinë për të garuar për të parin e partisë.
“Jam duke u menduar. Nuk kam vendosur të garoj ende, por nuk kam vendosur as të mos garoj. Ende jam duke e menduar”, është shprehur deputeti në T7, teksa është pyetur nëse ka ambicie për të garuar për kryetar të LDK-së.
“Nuk e kam vendosur ende, sepse nuk mund ta vendosi pa u krye zgjedhjet në degë, e mandej të caktohet Kuvendi”, ka thënë tutje ai.
Ai ka mohuar se ka hatërmbetje mes tyre, ndërsa ka shtuar se debati i brendshëm në LDK lë për të dëshiruar.
“Nuk do e kisha interpretuar me hatërmbetje. Ai e ka punën e tij dhe e ka për detyrë që të menaxhojë partinë, politikat e brendshme të partisë dhe të grupit parlamentar, të arrijë harmonizimet e brendshme në vendimmarrjen e partisë, e cila gjë mund të them se lë për të dëshiruar. Pra, debate i brendshëm që duhet të kemi në mënyrë që të vijmë deri te qëndrimet që mbajmë si grup parlamentar”.
