Trepça ’89 është kthyer me tri pikë tepër të rëndësishme nga udhëtimi në Skenderaj, ku ka fituar me rezultat 2:1 ndaj rivalit të drejtpërdrejtë për ekzistencë, Drenicës.
Pjesa e parë e ndeshjes ishte e barabartë, me të dyja skuadrat që patën rastet e veta dhe shënuan nga një gol.
Të parët në epërsi kaluan vendasit me anë të të Armando Lopes da Silva (7’), i cili shënoi për 1-0, ndërsa Shkëlqen Lushtaku shënoi autogol për barazimin 1-1.
Në pjesën e dytë, mysafirët ishin më konkretë duke konkretizuar një rast, për golin e fitores, ndërsa Drenica shpërdoroi disa raste.
Goli i vetëm në këtë pjesë u shënua në minutën e 60-të me anë të Rilind Namanit, i cili shënoi për 1-2 dhe ky doli të ishte rezultati përfundimtar.
Pas kësaj fitore, Trepça ’89 renditet në pozitën e shtatë më 26 pikë, teksa Drenica renditet e fundit me 23 pikë.
Në ndeshjen e ardhshme, Trepça ’89 e pret Ferizajn, ndërsa Drenica udheton te Dukagjini.
