MIRË SE NA ERDHËT, HAXHINJ TË NDERUAR!
Më 22 qershor 2025, Reisul Ulema i Bashkësisë Fetare Islame të Republikës së Maqedonisë së Veriut, H. Hfz. Shaqir ef. Fetai, së bashku me bashkëpunëtorët e tij, priti me përzemërsi grupin e parë të haxhinjve të BFI-së që u kthyen në vendlindje pas përmbushjes së obligimit të shenjtë të Haxhit.
Me fjalë të përzgjedhura mirëseardhjeje, Reisul Ulema u uroi haxhinjve kthim të mbarë dhe u dëshiroi që Haxhi i tyre të jetë i pranuar te Allahu i Madhërishëm, duke i falënderuar për sjelljen shembullore dhe përfaqësimin dinjitoz të vendit dhe të BFI-së në tokat e shenjta.
Gjithashtu, Reisul Ulema shprehu falënderim dhe mirënjohje të veçantë për stafin e Aeroportit Ndërkombëtar të Shkupit, për pritjen e ngrohtë dhe bashkëpunimin profesional, që mundësoi një pritje të organizuar dhe një kalim të shpejtë e të lehtësuar të haxhinjve përmes procedurave kufitare.
Vlerësim i posaçëm iu dedikua Kryeshefit të Qendrës Rajonale për Çështje Kufitare – Veri, z. Dugagjin Kashtanjella, si dhe Zv. Komandantit të Policisë në Aeroportin Ndërkombëtar të Shkupit, për angazhimin e tyre efikas dhe përkushtimin ndaj haxhinjve tanë.
Zoti i bekoftë të gjithë haxhinjtë tanë dhe të shpërblejë të gjithë ata që kontribuuan në mbarëvajtjen e këtij udhëtimi të shenjtë.
