Komuniteti shqiptaro-amerikan ka bërë thirrje për pjesëmarrje në një protestë që do të mbahet sot, të mërkurën, më 16 shtator, në orën 18:00, në Times Square, në New York.
Protesta organizohet në shenjë kundërshtimi ndaj vendimit të Gjykatës Speciale në Hagë dhe me mesazhe për drejtësi dhe liri për ish-pjesëtarët e Ushtrisë Çlirimtare të Kosovës.
Në thirrjen drejtuar komunitetit thuhet: “Bashkohuni me komunitetin shqiptaro-amerikan SOT në Times Square për një protestë kundër vendimit të Hagës.”
Organizatorët u bëjnë thirrje pjesëmarrësve që të bashkohen me flamujt amerikan, shqiptar dhe të Kosovës, duke përcjellë mesazhet: “Liri, Drejtësi dhe Dinjitet” dhe “Pa liri, s’ka paqe.”
