Sot, në Kuvendin e Drenasit, u miratua njëzëri propozimi për bashkëpunim ndërkomunal, ndërmjet kësaj komune dhe Zveçanit, të cilën e konfirmoi kryetari i komunës, Ramiz Lladrovci.
“Kuvendi i Komunës së Drenasit, ka shprehur si çdo herë unitet për çështjet me rëndësi. Faleminderit!”, ka shkruar Lladrovci.
Postimi i plotë:
Krenar me Kuvendin e Komunës së Drenasit!
Nga 30 asamblistët e pranishëm, me 30 vota pro, asnjë kundër, u miratua Vendimi për të hyrë në bashkëpunim ndërkomunal me Komunën e Zveçanit. Kuvendi i Komunës së Drenasit, ka shprehur si çdo herë unitet për çështjet me rëndësi. Faleminderit!
Sot, në Kuvendin Komunal, u miratuan edhe disa vendime, në veçanti ishte i rëndësishëm “Propozim Vendim për miratimin e planit rregullues të hollësishëm për Qendrën e qytetit-Gllogoc”.
Besoj fort se shpejt do të mbyllen disa nga çështjet për të cilat po punojmë: Çështja e ujit, ndriçimit, rregullimi i trotuareve, kanalizimeve, asfaltimi i rrugicave në pronë publike dhe fillimi i rregullimit të rrugëve fushore.
Puna jonë e përbashkët është në shërbim të qytetarëve pa dallim. Ju faleminderit!
