Në Novi Sad sot pasdite do të mbahet akademia solemne me rastin e shënimit të 80-vjetorit të shpërnguljes së maqedonasve në Vojvodinë, një ngjarje që përkujton vendosjen e mijëra familjeve maqedonase në këtë krahinë të Serbisë pas përfundimit të Luftës së Dytë Botërore.
Në manifestimin përkujtimor pritet të marrë pjesë dhe të mbajë fjalim kryeministri i Maqedonisë së Veriut, Hristijan Mickoski.
Në akademi do të marrin pjesë përfaqësues të institucioneve, organizatave të maqedonasve në Serbi, si dhe mysafirë nga Maqedonia e Veriut dhe Vojvodina.
Ngjarja organizohet për të nderuar trashëgiminë historike, kulturore dhe identitare të komunitetit maqedonas që u vendos në Vojvodinë para tetë dekadash dhe që ka kontribuar në zhvillimin e rajonit duke ruajtur njëkohësisht lidhjet me vendlindjen.
