Kryetari i Dhomës së Përfaqësuesve në SHBA, Mike Johnson, në një adresim për media ka folur lidhur me planin e tij për të miratuar një pako ndihme për Ukrainën dhe Izraelin.
Ai ka thënë se kjo paraqet një pako esenciale për ta ndaluar presidentin rus ta zgjerojë luftën edhe në Ballkan.
“Është kohë kritike për botën dhe po bëj atë që besoj se është gjëja e duhur. Mendoj se ofrimi i ndihmës për Ukrainën tani është jashtëzakonisht e rëndësishme… Mendoj se Vladimir Putini do të vazhdojë të marshojë përmes Evropës nëse lejohet, mendoj se mund të shkojë në Ballkan më pas”, ka thënë ai.
Kryetari i Dhomës së Përfaqësuesve më tej tha se “nuk mund të luajmë me politikë në këtë, por të bëjmë gjënë e duhur”.
