Në prag të protestës së paralajmëruar të studentëve shqiptarë të hënën në Shkup, në mbështetje të kërkesës që provimi i Jurisprudencës të mund të jepet edhe në gjuhën shqipe, zërave mbështetës iu janë bashkuar edhe artistët e njohur shqiptarë, Ilir Shaqiri dhe Kastriot Tusha.
Përmes mesazheve të tyre publike, dy artistët kanë vënë theksin te rëndësia e gjuhës shqipe si shtyllë identitare dhe kombëtare e shqiptarëve.
“Gjuha shqipe – identiteti themelor i kombit shqiptar; më e bukur se bukuria, më e dashur se dashuria, më e shenjtë se shenjtëria, më e shtrenjtë se vetë liria”, ka shkruar Ilir Shaqiri, duke dhënë mbështetje të qartë për protestën dhe kërkesat e studentëve shqiptarë në Maqedoninë e Veriut.
Ndërkaq, edhe Kastriot Tusha ka reaguar me vargjet e njohura kushtuar gjuhës shqipe: “Gjuha jonë sa e mirë, sa e ëmbël sa e dlirë”, duke iu bashkuar thirrjeve për mbrojtjen dhe respektimin e të drejtës së përdorimit të gjuhës shqipe në institucionet shtetërore.
