Ministri i Mjedisit Jetësor dhe Planifikimit Hapësinor, Muamet Hoxha, në konferencën e sotme për shtyp njoftoi se kanë përfunduar procedurat tenderuese dhe është përzgjedhur kompania që do të ndërtojë stacionin e pastrimit të ujërave të zeza në Tetovë.
\”Janë në vijim përgatitjet për fillimin e realizimit dhe në muajt e ardhshëm do të nisin aktivitetet ndërtimore në terren. Projekti kap vlerën e rreth 30 milionë eurove dhe duhet të përfundojë brenda një afati prej dy vitesh\”, deklaroi Hoxha.
Ministri theksoi se me ndërtimin e stacionit të pastrimit në Tetovë, së bashku me projektet në Shkup, Veles dhe Shtip, rreth 75 për qind e territorit të shtetit do të mbylohet me sistem për pastrimin e ujërave të zeza, gjë që paraqet një hap të rëndësishëm drejt avancimit të mbrojtjes së mjedisit jetësor dhe cilësisë së ujërave.
