Ka nisur procesi i riorganizimit të nëndegëve në kuadër të Degës së BDI-së në Butel. Hapi i parë është ndërmarrë në nëndegën “Kodra e Diellit”, në përputhje me Statutin dhe Rregulloren e Bashkimit Demokratik për Integrim.
Gjatë takimit të mbajtur sonte, me votë unanime, kryetar i nëndegës “Kodra e Diellit” është zgjedhur Arianit Ademi.
Nga kjo degë theksojnë se riorganizimi synon forcimin e strukturave partiake dhe rritjen e angazhimit në terren, me qëllim arritjen e rezultateve konkrete në shërbim të qytetarëve.
Procesi i riorganizimit pritet të vazhdojë edhe në nëndegët e tjera të Degës së Butelit në periudhën në vijim.
Ja postimi plotë:
FILLON RIORGANIZIMI – ENERGJI E RE E BDI-së NË BUTEL!
Sonte hodhëm hapin e parë drejt forcimit dhe riorganizimit të nëndegëve në Degën e Butelit, duke nisur nga nëndega “Kodra e Diellit”, në përputhje të plotë me Statutin dhe Rregulloren e Bashkimi Demokratik për Integrim.
Me votë unanime, kryetar i nëndegës “Kodra e Diellit” u zgjodh Arianit Ademi.
I urojmë suksese kryetarit të ri dhe të gjithë anëtarëve të nëndegës “Kodra e Diellit”!
Bashkë për më shumë punë, më shumë përkushtim dhe rezultate konkrete në shërbim të qytetarëve!
