Sekretari gjeneral i BDI-së, z. Faton Ahmeti, ka publikuar sot në profilin e tij në Facebook një fotografi së bashku me liderin historik të shqiptarëve, Ali Ahmeti, gjatë udhëtimit të tyre drejt Prishtinës, ku po mbahet protesta në përkrahje të Ushtrisë Çlirimtare të Kosovës (UÇK).
Në postimin e tij, Ahmeti shkruan:
“Me themeluesin e Ushtrisë Çlirimtare të Kosovës dhe Komandantin e Përgjithshëm të Ushtrisë Çlirimtare Kombëtare, rrugës për në Prishtinë. Sot nuk ka kufij mes nesh. Sot jemi një, në mbrojtje të atyre që na sollën lirinë.
Liria nuk gjykohet. Liria mbrohet.
Dhe sot, jemi të gjithë UÇK!”
Ky mesazh vjen si shprehje e unitetit dhe mbështetjes së pakushtëzuar për ata që sakrifikuan për lirinë e shqiptarëve, ndërsa protesta e sotme në Prishtinë po shndërrohet në një simbol të fuqishëm të solidaritetit mbarëkombëtar.
