Kryetari i Kërçovës, Fatmir Dehari, gjatë qëndrimit në Amerikë, qëndroi në shtetin Illinois ku takoi kërçovarët, te familja Ballazhi të cilën e falënderon për mikpritjen e shkëlqyer.
Ishte një çast çmalljeje,llogaridhënie dhe bashkëbisedimi të sinqertë – ku ndamë mendime, ide dhe u përballëm me pyetje e përgjigje”, ka shkruar Dehari.
Postimi i plotë:
Illinois – Gibson City,
Mbrëmje e paharruar mes vëllezërve nga Kërçova, të mbledhur në shtëpinë e mikut tonë të çmuar Imer Ballazhi – Meli, së bashku me familjen e tij të mrekullueshme.
Ishte një çast çmalljeje,llogaridhënie dhe bashkëbisedimi të sinqertë – ku ndamë mendime, ide dhe u përballëm me pyetje e përgjigje.
Përçova sadopak aromën e vendlindjes sonë, Kërçovës, dhe ndava me ta të rejat nga skena politike në RMV dhe zhvillimet komunale në qytetin tonë.
Faleminderit për mikpritjen e ngrohtë dhe për mbështetjen që më jepni, gjithmonë me zemër të hapur.
Thellësisht mirënjohës për çdo njërin nga Ju.
Bashkë për Kërçovën, bashkë për sfidat që na presin!
