Refuzimi i kërkesës për veting të gjithë zyrtarëve në shtet, është pika që i bashkon VMRO-DPMNE-në dhe LSDM-në, shprehet shefi i grupit të deputetëve të Frontit Europian Blerim Bexheti.
Opozitarja BDI përmes një komunikate me shkrim edhe sot bëri thirrje për veting, duke thënë se vetëm vetingu i burimit të pasurisë së gjithë politikanëve pa përjashtim në 30 vitet e fundit dhe zbardhja e privatizimit janë garanci për sundimin e ligjit.
U kundërpërgjigj VLEN duke thënë se Artan Grubi ia bëri vettingun BDI-së.
Nga VLEN zotohen se për shqiptarët dhe shtetin po vijnë ditë të bardha, ndërsa shtojnë se për keqpërdoruesit dhe zhvatësit do të vijnë ditë të zeza ku të gjithë do të dalin para drejtësisë.
