Kandidati i Aleancës Kombëtare për Integrim (AKI) për Komunën e Tetovës, Bajram Rexhepi, ka falënderuar qytetarët për mbështetjen në rethin e parë të zgjedhjeve lokale.
Në një postim publik, Rexhepi vlerësoi lart përkushtimin e aktivistëve dhe besimin e qytetarëve, duke e cilësuar votën si të pastër dhe të sinqertë.
“Tetovë, faleminderit për votat e pastra dhe me zemër! Falënderoj çdo aktivist, çdo qytetar, për punën e palodhshme dhe besimin e dhënë,” shkroi ai.
Rexhepi theksoi se beteja për Tetovën nuk ka përfunduar dhe se gara do të vazhdojë me më shumë vendosmëri në raundin e dytë.
“Beteja për Tetovën vazhdon. Me më shumë përkushtim, me më shumë forcë dhe me të njëjtin ideal – për një Tetovë me dinjitet!”
Sipas rezultateve të publikuara nga Komisioni Shtetëror i Zgjedhjeve, Tetova shkon në balotazh mes Bajram Rexhepit të AKI-së dhe Bilall Kasamit nga Koalicioni VLEN.
