Më 23 qershor 2025, Reisul Ulema i Bashkësisë Fetare Islame të Republikës së Maqedonisë së Veriut, H. Hfz. Shaqir ef. Fetai, i shoqëruar nga Muftiu i Tetovës, Dr. Selver ef. Xhemaili dhe bashkëpunëtorët e tyre, priti me përzemërsi grupin e radhës të haxhinjve të BFI-së nga Muftinia e Tetovës, të cilët u kthyen në vendlindje pas përmbushjes së obligimit të shenjtë të Haxhit.
Me fjalë të ngrohta mirëseardhjeje, Reisul Ulema u uroi haxhinjve kthim të mbarë dhe lutëm që Haxhi i tyre të jetë i pranuar te Allahu i Madhërishëm. Ai gjithashtu shprehu falënderime për sjelljen e tyre të denjë dhe përfaqësimin dinjitoz të vendit dhe të Bashkësisë Fetare Islame në tokat e shenjta.
Reisul Ulema dhe Muftiu i Tetovës falënderuan gjithashtu stafin e Aeroportit Ndërkombëtar të Shkupit për mikpritjen e ngrohtë dhe bashkëpunimin profesional.
