Nënkryetari i Bashkimit Demokratik për Integrim, Arbër Ademi, ka shkruar një postim pas dekorimit të kryetarit të BDI-së, z. Ali Ahmeti, me titullin akademik “Doctor Honoris Causa” nga Universiteti Europian i Tiranës.
Ademi e ka cilësuar këtë vlerësim si një akt madhështor që nderon jo vetëm Ali Ahmetin, por mbarë kombin shqiptar.
“Kontributi i udhëheqësit të popullit shqiptar, z. Ali Ahmeti, përbën thesar kombëtar që vlerësohet nga çdokush që ka një qelizë shqiptari. Ky dekorim është mirënjohje e merituar për veprimtarinë e tij politike dhe kombëtare, për sakrificat dhe përkushtimin e tij në mbrojtjen e lirisë, barazisë dhe demokracisë”, – ka shkruar Arbër Ademi.
Titulli i dhënë nga UET është një dëshmi e rrugëtimit të gjatë dhe të suksesshëm të Ali Ahmetit, i cili ka lënë gjurmë të pashlyeshme në historinë më të re të shqiptarëve, – theksoi Ademi.
