AAK pret në takim kryetarin e BDI-së, Ali Ahmeti, theksohet nevoja për forcimin e faktorit politik shqiptar
Aleanca për Ardhmërinë e Kosovës ka zhvilluar një takim vëllazëror në selinë e saj me kryetarin e BDI-së, Ali Ahmeti.
Ahmeti u prit nga nënkryetarët e Aleancës, Ardian Gjini dhe Besnik Tahiri, si dhe nga anëtari i kryesisë, Daut Haradinaj.
Gjatë takimit u vlerësua lart kontributi i Ahmetit në të gjitha proceset që kanë kaluar shqiptarët në Ballkan që nga vitet ’90, si dhe roli i tij në forcimin e faktorit politik shqiptar në rajon.
Në këtë takim u diskutuan zhvillimet e fundit politike në Kosovë dhe në rajon, me theks të veçantë në rëndësinë e forcimit të faktorit politik shqiptar në të gjitha hapësirat ku jeton kombi shqiptar.
