Kryetari i Bashkimit Demokratik për Integrim, Ali Ahmeti, zhvilloi sot një takim me Bruno Cekën, Përfaqësues i Organizatës Shqiptaro-Amerikane për Maqedoninë e Veriut.
Gjatë takimit u diskutua për zhvillimet politike në vend, me theks të veçantë te stagnimi në zbatimin e Marrëveshjes së Ohrit, cenimi i Ligjit për Përdorimin e Gjuhës Shqipe dhe nevoja për garantimin e përfaqësimit të drejtë dhe adekuat të shqiptarëve në institucionet shtetërore.
Bashkëbiseduesit ndanë qëndrimin se përshpejtimi i procesit të integrimit të Maqedonisë së Veriut në Bashkimin Evropian mbetet orientimi i vetëm strategjik i vendit, duke vlerësuar njëkohësisht rëndësinë e forcimit të partneritetit të qëndrueshëm me Shtetet e Bashkuara të Amerikës.
Në takim u trajtua edhe nevoja për zgjidhjen sa më të shpejtë të ngërçit që lidhet me dhënien e provimit të jurisprudencës, një çështje që prek drejtpërdrejt shumë të rinj profesionistë dhe që kërkon zbatim të kuadrit ligjor nga institucionet kompetente.
Takimi u vlerësua si i dobishëm dhe konstruktiv, në funksion të avancimit të të drejtave të shqiptarëve, forcimit të shtetit të së drejtës dhe përshpejtimit të integrimit evropian të Maqedonisë së Veriut.
Ja postimi plotë:
Sot pata kënaqësinë e veçantë të takoj mikun Bruno Ceka, Përfaqësues i Organizatës Shqiptaro-Amerikane për Maqedoninë e Veriut.
Zhvilluam një bisedë të hapur mbi zhvillimet politike në vend, me theks të veçantë te stagnimi në zbatimin e Marrëveshjes së Ohrit, cenimi i Ligjit për Përdorimin e Gjuhës Shqipe dhe nevoja për garantimin e përfaqësimit të drejtë dhe adekuat të shqiptarëve në institucionet shtetërore.
Diskutuam gjithashtu për domosdoshmërinë e përshpejtimit të procesit të integrimit të Maqedonisë së Veriut në Bashkimin Evropian, si orientimi ynë i vetëm strategjik, si dhe për rëndësinë e forcimit të partneritetit të qëndrueshëm me Shtetet e Bashkuara të Amerikës.
Në takim u trajtua edhe nevoja për zgjidhjen sa më të shpejtë të ngërçit që lidhet me dhënien e provimit të jurisprudencës, një çështje që prek drejtpërdrejt shumë të rinj profesionistë dhe kërkon zbatim të kuadrit ligjor ekzistues nga ana e institucioneve.
Ishte një takim i dobishëm, në frymën e bashkëpunimit dhe angazhimit të përbashkët për avancimin e të drejtave të shqiptarëve dhe të ardhmen evropiane të vendit.
