Studentët e Kosovës kanë bërë thirrje për protestë paqësore para Ambasadës së Maqedonisë së Veriut në Kosovë, duke kërkuar mbrojtjen e së drejtës së përdorimit të gjuhës shqipe në provimet shtetërore në Maqedoninë e Veriut.
Sipas thirrjes, protesta synon të ngrejë zërin kundër, siç thuhet, cenimit të përdorimit të gjuhës shqipe në provimin e jurisprudencës dhe në provime të tjera shtetërore.
Organizatorët kanë ftuar studentë, organizata studentore, shoqëri civile dhe qytetarë që t’i bashkohen protestës paqësore, e cila do të mbahet më 5 qershor, në orën 14:00.
