Në zyrat e Këshillit Kombëtar Shqiptar në Preshevë ka nisur takimi ndërmjet kongresmenëve amerikanë, Keith Self dhe Suhas Subramanyam, me përfaqësuesit politikë shqiptarë në Luginën e Preshevës.Ata janë pritur nga kryetari i Këshillit Kombëtar Shqiptar, Enkel Rexhepi, deputeti i vetëm shqiptar në parlamentin e Serbisë, Shaip Kamberi, si dhe nënkryetari i Komunës së Preshevës, Ragmi Mustafa.
Dy kongresistë amerikanë janë duke realizuar vizita në rajonin e Ballkanit Perëndimor. Kongresistët Keith Self e edhe Suhas Subramanyam, që mbajnë pozita me peshë në Dhomën e Përfaqësuesve në SHBA, kanë qëndruar gjatë së hënës në Bosnjë e Serbi, ndërsa të martën do ta vizitojnë edhe Kosovën.
