Kryetari Limani pret Ambasadoren e SHBA-ve në Gostivar
Kryetari Limani pret Ambasadoren e SHBA-ve në Gostivar
Publikuar 10:00 7 Prill, 2026
Kryetari i Komunës së Gostivarit, Valbon Limani, zhvilloi takim me U.D. Ambasadoren e Shteteve të Bashkuara të Amerikës në Maqedoninë e Veriut, Nicole Varnes.
Në fokus të bisedimeve ishte thellimi i bashkëpunimit ndërmjet pushtetit lokal dhe partnerëve ndërkombëtarë, me theks të veçantë në procesin e decentralizimit, fuqizimin e komunave dhe rritjen e kapaciteteve institucionale në nivel lokal. Palët diskutuan edhe për mbështetjen konkrete përmes projekteve zhvillimore, të cilat synojnë përmirësimin e drejtpërdrejtë të cilësisë së jetës së qytetarëve.
Gjatë takimit u theksua se mbështetja e Shteteve të Bashkuara të Amerikës mbetet kyçe për Maqedoninë e Veriut, sidomos në drejtim të forcimit të institucioneve demokratike, avancimit të reformave dhe përshpejtimit të proceseve integruese të vendit.
