Myftiu i Tetovës, Dr. Selver ef. Xhemaili, priti me nderime Presidentin e Republikës së Shqipërisë, Shkëlqesinë e Tij Bajram Begaj, gjatë vizitës së tij në Xhamia e Larme dhe në Harabati Baba Teqe.
Gjatë kësaj vizite, Presidenti Begaj u njoh nga afër me historinë, arkitekturën dhe vlerat shpirtërore që përfaqësojnë këto monumente të rëndësishme të trashëgimisë sonë kulturore dhe fetare.
Myftiu Xhemaili theksoi rëndësinë e ruajtjes dhe promovimit të këtyre objekteve si dëshmi e identitetit, traditës dhe bashkëjetesës ndërfetare në vend.
Ai vlerësoi lart praninë e Presidentit në këto vende të shenjta, duke e cilësuar si një akt respekti dhe përkushtimi ndaj vlerave të përbashkëta shpirtërore e kombëtare. Sipas tij, kjo vizitë forcon më tej lidhjet ndërinstitucionale dhe bashkëpunimin në funksion të ruajtjes së trashëgimisë dhe promovimit të harmonisë.
Në fund, Myftiu i Tetovës shprehu mirënjohje të thellë për vizitën dhe vëmendjen e treguar ndaj institucioneve dhe monumenteve me rëndësi të veçantë për besimtarët dhe mbarë kombin shqiptar.
