Deputeti i Frontit Europian, Ilir Hasani, gjatë vizitës zyrtare në Shtetet e Bashkuara të Amerikës, po merr pjesë në Forumin Transatlantik Parlamentar të NATO-s, ku në këtë kuadër u zhvillua një takim bilateral me kongresisten amerikane Debbie Dingell.
Në takim morën pjesë edhe deputetët Dragan Kovaçki dhe Slavjanka Petrovska. Gjatë bisedimeve u diskutua për forcimin e bashkëpunimit ndërmjet institucioneve, thellimin e partneritetit strategjik dhe avancimin e projekteve të përbashkëta në fushat e sigurisë dhe stabilitetit rajonal.
Deputeti Hasani theksoi rëndësinë e mbështetjes së vazhdueshme të Shteteve të Bashkuara në procesin e integrimit të vendit në Bashkimin Europian, duke e cilësuar atë si një faktor kyç për progresin dhe stabilitetin afatgjatë. Po ashtu, u nënvizua domosdoshmëria e koordinimit të vazhdueshëm dhe mbështetjes dypalëshe në proceset euro-atlantike.
Takimi u vlerësua si një hap i rëndësishëm drejt forcimit të marrëdhënieve dhe bashkëpunimit strategjik mes vendit dhe Shteteve të Bashkuara të Amerikës.
Ja postimi i plotë:
