Kryetari i Bashkimit Demokratik për Integrim, Ali Ahmeti, ka uruar Bacën e Kombit, Rifat Jashari, me rastin e ditëlindjes së tij.
Në urimin e tij, Ahmeti ka shprehur mirënjohjen dhe respektin e thellë për familjen Jashari dhe sakrificën e tyre historike për lirinë e popullit shqiptar.
“Baca Rifat, urime ditëlindjen!
Të rrosh sa të duash vetë, me shëndet e me nder, i rrethuar nga dashuria e familjes dhe nderimi i mbarë kombit.
Ju dhe familja Jashari do të mbeteni përherë dritë udhërrëfyese e sakrificës, që i dha liri Kosovës.
Përshëndetje të përzemërta familjes — paçin shtëpinë plot gëzim e begati!”
Ahmeti ka vlerësuar se vepra e Jasharajve është një trashëgimi e përbashkët kombëtare, e cila do të kujtohet brez pas brezi.