Bartësi i listës së këshilltarëve për Qytetin e Shkupit nga Aleanca Kombëtare për Integrim (AKI), Abdulselam Selami, zhvilloi sot një takim në Idrizovë së bashku me kandidatin për Kryetar të Qytetit të Shkupit, z. Skender Rexhepi – Zejd, dhe bartësen e listës së këshilltarëve në Komunën e Gazi Babës, znj. Makfire Iseni.
Gjatë këtij takimi, Selami theksoi se përfaqësimi me dinjitet dhe ndershmëri do të jetë prioritet kryesor i ekipit të tij, duke shtuar se Idrizova ka qenë për shumë vite e anashkaluar në zhvillim dhe investime.
“Idrizova meriton më shumë në çdo aspekt — në infrastrukturë, arsim, shëndetësi dhe jetë më cilësore për banorët e saj. Zëri ynë në Këshillin e Qytetit të Shkupit do të jetë i fuqishëm dhe i drejtë. Ne do të jemi aty për të përfaqësuar qytetarët me përgjegjësi dhe integritet,” deklaroi Abdulselam Selami.
Ky aktivitet është pjesë e fushatës zgjedhore të AKI-së për zgjedhjet lokale, me qëllim rritjen e përfaqësimit të qytetarëve në institucionet vendore.
#Voto4 ✅
#Shkupi
#AbdulSelamSelami
#SkenderRexhepiZejd
