Në një prezencë madhështore, banorët e Svillarës së Epërme dhe të Poshtme mirëpritën kandidatin për kryetar komune Blerant Ramadani dhe drejtuesit e Aleancës Kombëtare për Integrim.
Sonte në Svillarë të Epërme dhe Svillarë të Poshtme u dëshmua fuqia e bashkimit dhe besimit në një fitore historike që po vjen më 19 tetor.
Në një prezencë madhështore dhe masovike, qytetarët e dy fshatrave treguan përkushtim, respekt dhe përkrahje të jashtëzakonshme ndaj vizionit të ri për Komunën e Sarajit.
Të pranishëm në këtë tubim ishin kandidati për kryetar komune Blerant Ramadani, kryetari aktual dhe bartësi i listës për këshilltarë Iljas Veseli, kandidati për kryetar të Qytetit të Shkupit Skender Rexhepi – Zejd, kryesuesi i listës për Qytetin e Shkupit Abdulselam Selami, kandidatja për këshilltare Nezrane Rustemi, shefi i shtabit komunal Senehat Murtezani, si dhe Rijad Shaqiri, që nderoi me prezencën e tij këtë ngjarje madhështore.
Në fjalimet e mbajtura, u theksua rëndësia e projekteve që do të transformojnë Komunën e Sarajit dhe vizioni i përbashkët për zhvillim, barazi dhe dinjitet kombëtar.
Deputeti dhe përfaqësuesit e Aleancës Kombëtare për Integrim theksuan se zgjedhjet e 19 tetorit nuk janë vetëm një garë politike, por një referendum kombëtar që përcakton drejtimin e ardhshëm të shqiptarëve në vend.
Atmosfera e mbrëmjes ishte e mbushur me energji, motivim dhe besim të plotë se fitorja e madhe po afrohet – një fitore që do të jetë në shërbim të njerëzve dhe të ardhmes së Komunës së Sarajit.
