Një vajzë 16-vjeçare ka vdekur pasi u sulmua nga një peshkaqen teksa po notonte në një lumë në Australinë Perëndimore. Ajo u shpall e vdekur pasi u tërhoq nga lumi Swan, në periferi të Perth të Fremantle, të shtunën.
Besohet se vajza, nga Perth, ishte duke hipur në jet ski me miqtë në lumë kur ndodhi ngjarja.
Inspektori Paul Robinson, nga Policia e Australisë Perëndimore, tha se është e mundur që vajza të ishte hedhur në ujë për të notuar me delfinët që shiheshin aty pranë.
Njerëzve u është kërkuar të bëjnë “kujdes shtesë” dhe të respektojnë çdo mbyllje të plazhit.
Ekspertët e peshkimit thonë se është e pazakontë të gjesh peshkaqenë në atë pjesë të lumit, tha Robinson. Ky besohet të jetë sulmi i parë fatal i peshkaqenit në lumin Swan që kur një djalë 13-vjeçar u vra në janar 1923, raporton BBC.
Australia zakonisht regjistron rreth 20 sulme peshkaqenësh çdo vit.
Historikisht, vdekja nga kafshimi i peshkaqenit nuk është e zakonshme. Në më shumë se një shekull të dhënash, shkalla e vdekshmërisë nga sulmet e peshkaqenëve në Australi është 0.9 – më pak se një person në vit.
