Deputetja e Bdi-së, Rina Ajdari në cilësinë e anëtares së komisionit për Çështje Evropiane së bashku me koleg deputet kanë pritur ministren Daneze për Çështje Evropiane, znj. Marie Bjer.
Në këtë takim është biseduar për gjendjen e Maqedonisë së Veriut dhe rrugën e integrimit evropian.
“Qëndrimi i delegacionit danez ishte i qartë: Maqedonia e Veriut duhet të realizojë sa më parë ndryshimet kushtetuese në mënyrë që të vazhdojë rrugën drejt Bashkimit Evropian”- ka shkruar Ajdari.
Ja postimi plotë:
🇩🇰 Në cilësinë e anëtarëve të Komisionit për Çështje Evropiane, sot në Kuvend pritëm Ministren Daneze për Çështje Evropiane, znj. Marie Bjer. Diskutuam për rastin e vendit tonë dhe rrugën e integrimit evropian.
Danimarka gjithmonë e ka mbështetur Maqedoninë e Veriut në rrugën evropiane aq më tepër për faktin që ne kemi atje një diasporë të konsoliduar dhe të integruar e cila kontribon në të gjitha mënyrat atje dhe këtu.
Qëndrimi i delegacionit danez ishte i qartë: Maqedonia e Veriut duhet të realizojë sa më parë ndryshimet kushtetuese në mënyrë që të vazhdojë rrugën drejt Bashkimit Evropian.
Danimarka do të marrë presidencën e Këshillit të BE-së në korrik të këtij viti.
