Dje pata nderin dhe kënaqësinë e veçantë të mikpritem nga miku i respektuar, filantropi i madh dhe simboli i përkushtimit për çështjen shqiptare z. Lazim Destani , në zyrën e tij në zemër të Düsseldorf-it, në qendrën e njohur Schadow Arkaden.
Ishte një vizitë që nuk ishte thjesht formale, por shpirtërore – në kupollën simbolike, ku panorama përshkonte tërë rrugën që të çon drejt qytetit të vjetër dhe kujtesës historike. Siç e do zakoni ynë i ngrohtë shqiptar “kallëm cigaret e muhabetit” dhe çdo bisedë me të ishte si një kapitull i ri në librin e përbashkët të kauzës sonë kombëtare.
Më ndalën sytë tek fotografitë e bukura me personalitete ndërkombëtare, por edhe më thellë se çdo objektiv kamere, më preku piktura e babait të tij në qytetin e vjetër të Tetovës, që më ngjalli mall për rrënjët tona, si dhe figura e Skënderbeut, që sikur na shikonte me sytë e së ardhmes, duke na kujtuar përgjegjësinë tonë historike.
Çdo herë që e takoj këtë burrë me zemër të madhe, largohem i frymëzuar, i mbushur me energi pozitive dhe mendime të thella, sepse bashkë ndajmë ëndrra të mëdha për shqiptarët, për unitetin tonë, për përparimin tonë – aty ku fjalët shndërrohen në vepra.
Falënderoj me zemër mikun tim të dashur Lazim Destani për mikpritjen vëllazërore dhe njëkohësisht falënderim të veçantë edhe për shoqëruesin z. Ismail Asani.