Sekretari gjeneral i Bashkimit Demokratik për Integrim, Faton Ahmeti ka reaguar ndaj skandalit të radhës të qeverisë pa legjitimitet e cila në mënyrë skandaloze po deshqiptarizon institucionet.
“Në konkurset publike 01-2025 dhe 02-2025 të shpallura nga Agjencia e Ushqimit dhe Veterinarisë, rezultati është tronditës: nga gjithsej 21 vende pune, asnjë shqiptar nuk është përzgjedhur”- ka shkruar Ahmeti.
Ja postimi plotë:
21-0
Skandal në Agjencinë e Ushqimit dhe Veterinarisë: Shqiptarët 0, diskriminimi 100%
Në konkurset publike 01-2025 dhe 02-2025 të shpallura nga Agjencia e Ushqimit dhe Veterinarisë, rezultati është tronditës: nga gjithsej 21 vende pune, asnjë shqiptar nuk është përzgjedhur. Ky është një sinjal alarmi për përjashtimin sistematik të shqiptarëve nga institucionet publike në Maqedoninë e Veriut.
Në një shtet multietnik, një rezultat i tillë nuk është rastësi – është diskriminim. Heshtja institucionale dhe mungesa e reagimit nga përfaqësuesit shqiptarë është edhe më shqetësuese.