Sekretari i përgjithshëm i BDI-së, Faton Ahmeti përmes një postimi në profilin e tij ka komentuar avansimin e 12 maqedonasve në Tetovë duke theksuar se kjo nuk është rastësi po një padrejtësi sistematike ndaj shqiptarëve. Ahmeti më tej shton se “Në një qytet me shumicë shqiptare, vendimmarrja diskriminuese nuk ka as arsyetim, as të ardhme”.
Në avancimet e fundit në SPB Tetovë, 12 maqedonas, 1 shqiptar. Kjo sigurisht që nuk është rastësi, por një padrejtësi sistematike ndaj shqiptarëve.
Në një qytet me shumicë shqiptare, vendimmarrja diskriminuese nuk ka as arsyetim, as të ardhme.
Barazia, transparenca, llogaridhënia dhe përfaqësimi i barabartë nuk është kërkesë, por e drejtë!
#MjaftMë me vendime që përçajnë qytetarët dhe përbuzin dinjitetin tonë si komb.