Na paska lënë ;
Rexhep Gali Balidemaj
Në emrin tim personal dhe të Fondacionit “Hasan Prishtina”, me dhimbje të thellë kujtoj veprën dhe jetën e të ndjerit Rexhep Gali Balidemaj, i cili u nda nga jeta më 8 qershor 2025, në moshën 102-vjeçare.
Rexhep Gali Balidemaj (19 dhjetor 1922 – 8 qershor 2025) ishte një figurë e gjallë e rezistencës kombëtare, simbol i përkushtimit dhe i dinjitetit shqiptar, që përballoi me guxim kazamatet e Goli Otok-ut dhe sfidoi makinerinë barbare serbe në mbrojtje të çështjes kombëtare dhe të lirisë së shqiptarëve.
Ai mishëronte vlerat më të çmuara të kombit tonë – trimërinë, urtësinë dhe qëndresën – dhe gjatë gjithë jetës së tij, qëndroi krah për krah me historinë dhe kujtesën tonë kolektive. I nderuar me mirënjohje të lartë nga Fondacioni “Hasan Prishtina”, ai do të kujtohet si një pasuri e rrallë kombëtare dhe si një shembull i denjë për brezat që vijnë.
Shprehim ngushëllimet më të sinqerta familjes Balidemaj, të afërmve, miqve dhe mbarë shqiptarëve të Plavës e Gucisë për këtë humbje të madhe.
Lavdi jetës dhe veprës së Rexhep Gali Balidemaj!
Me respekt dhe dhimbje,
Mehmet Prishtina
Drejtor i Fondacionit “Hasan Prishtina”
