Fakt: Një vit të tërë ishit Aleancë kundër Shqiptarëve. Kur kundërshtonim veprimet e dëmshme të Qeverisë, ju ishit pararojat e tyre.
Për pasojë:
1. Larguat nga statistikat mërgatën – popullsinë jorezidente.
2. Larguat balancuesin dhe Ligjin për përfaqësim të drejtë nuk e sollët.
2. I pari ishte Ministri i Shëndetësisë që në Kuvend solli propozim-ligje vetëm në gjuhën maqedonase.
3. I larguat drejtorët ekonomikë, shumica prej të cilëve ishin shqiptarë, sepse ashtu urdhëronte Programi i VMRO-së.
4. Stoilkoviçin në krye të institucioneve ju e votuat.
5. Ligjin për branitellat, edhe pse kishit premtuar publikisht se nuk do të ktheheshit në seancë, u kthyet. E kur ju thashë “shporuni” atyre që votuan shkarkimin për t’u solidarizuar me ta, u shporët edhe ju bashkë me ta.
6. Shkelët fjalën e dhënë për ndryshimet kushtetuese.
7. Kazinot jo vetëm që nuk i mbyllët, por ua ndërruat pronarët dhe i rregulluat edhe më mirë.
Dhe ja, edhe një fakt: Asnjëra nga këto nuk ishte e mjaftueshme për ju që të reflektonit – po të mos kishte ndodhur “parkingu”.
Dhe për fund, po, është e vërtetë që Aleanca për Shqiptarët luftohet nga të gjithë – sepse është e vërteta e të gjithëve.
Aleanca për Shqiptarët garën politike e sheh përmes matjes së rezultateve dhe arritjeve – e jo garë mes gabimesh servilesh politik.
Sepse Aleanca për Shqiptarët është më shumë se një emër – është qëndrim” – ka shkruar Ilire Dauti.