Kryetari i Lëvizjes Demokratike Izet Mexhiti sot zhvilloi takim me Forumin e Gruas në Çair. ‘Gratë sjellin perspektiva të reja dhe energji transformuese që ndikojnë pozitivisht në proceset vendimmarrëse dhe zhvillimin shoqëror.’, thekson mes tjerash Mexhiti.
Postimi i plotë:
Roli dhe pesha e gruas në politikë është jetik për ndërtimin e një shoqërie të drejtë dhe gjithëpërfshirëse. Gratë sjellin perspektiva të reja dhe energji transformuese që ndikojnë pozitivisht në proceset vendimmarrëse dhe zhvillimin shoqëror.
Në këtë frymë, sot zhvillova një takim të rëndësishëm me Forumin e Gruas në Çair, ku diskutuam për koordinimin dhe strukturimin e degës sonë në këtë komunë.
Çairi mbetet bastioni ynë dhe një pikë strategjike për vizionin politik të Lëvizjes Demokratike.
Me përkushtimin e këtij forumi, jemi të vendosur të forcojmë strukturat tona dhe të punojmë për ndryshime pozitive që reflektojnë nevojat dhe aspiratat e qytetarëve tanë.
Bashkë për barazi, progres dhe një të ardhme më të mirë!
